Жаңылыктар

Кыргыз-Түрк “Манас” университетинде “Ректораттын семинарларынын” алкагында “Ахмед Йесевиден Шейх Эдебалиге чейин: Түзүүчү элемент катары түрк суфизми” аттуу семинар болуп өттү. Семинарга баяндамачы катары катышкан Анадолу университетинин окутуучусу, профессор Хасим Шахин түрк суфизм салтынын тарыхый жана идеялык негиздери тууралуу кеңири баяндама жасады.

“Хожа Ахмед Йесевиден Шейх Эдебалиге чейин суфизм сапары”

ЮНЕСКО тарабынан 2026-жылдын “Шейх Эдебали жылы” деп жарыяланышына байланыштуу семинарда Осмон мамлекетинин негизделүү философиясы да каралды. Бул салыштыруусу аркылуу ал түрк элинин тарых сахнасындагы жылышы жөн гана аскерий же саясий жүрүш эмес, из калтырган күчтүү цивилизациялык тажрыйбаны да камтыганын белгиледи. Түрк тарыхынын Өтүкенден башталып, Вена дубалдарына чейин созулган узак сапары кең географияда терең таасир калтырганын белгилеген Шахин, бул тарыхый жүрүш бүгүнкү күнгө чейин жеткен бай маданий мурастын калыптанышына негиз болгонун айтты.

Семинарда ошондой эле түрк элинин ислам түшүнүгүнүн калыптанышында Хожа Ахмед Йесевинин борбордук ролу белгиленди. “Түркстан пири” деп аталган Йесеви ислам динин түрк элинин маданий өзгөчөлүктөрү менен айкалыштырып, кеңири катмарларга жеткиргендиги; сүйүү, сабырдуулукка негизделген мамилеси аркылуу Анатолиядагы суфизм салтынын пайдубалын түзгөнү баса белгиленди.