Жаңылыктар

2025–2026 окуу жылында Орхун Алмашуу Программасынын алкагында КТМУ Кесиптик Колледжине конок окутуучу катары келген Түркия Республикасынын Балыкесир Университетинин Сындыргы Мекемелүү Жогорку Колледжинин окутуучусу доц. д-р Билге ВИЛЛИ семинарларын улантууда.

2025-жылдын 16-октябрында "Резюме даярдоо жана иш берүүчүлөр менен маектешүү техникалары" аттуу семинар MYO-118 аудиториясында саат 13:30да өткөрүлдү. Семинарга колледжибиздин окутуучулары жана студенттери катышты.

Семинар учурунда студенттер эффективдүү резюме (CV) түзүүнүн негизги ыкмалары, жумуштук маектешүүдө көңүл бурулуучу жүрүм-турумдар жана профессионалдык коммуникация көндүмдөрү боюнча кеңири маалымат алышты. Катышуучулар бул маалыматтардын жумуш дүйнөсүнө даярдык процессинде өздөрү үчүн абдан пайдалуу экенин белгилешти.