2025-12-16
Дипломдук иш жазууда форматтоо жана редакциялоо эрежелери” семинары
Семинар университетибиздин дипломдук иш жазуу эрежелерине ылайык форматтоо жана редакциялоо процесстерине арналган презентация менен башталды. Катышуучуларга дипломдук иш жазууда сакталуучу талаптар, булактарды көрсөтүү жана шилтеме берүү ыкмалары кеңири түшүндүрүлдү. Андан соң, дипломдук иштерде көп кетирилген каталар жана аларды кантип оңдоого болору мисалдар аркылуу көрсөтүлдү. Интерактивдүү бөлүмдө катышуучулар суроолорун берип, дипломдук иш жазуудагы кыйынчылыктарын бөлүшүштү. Семинар практикалык бөлүк менен жыйынтыкталып, катышуучулар университетибиздин дипломдук иш жазуу эрежелерине ылайык форматтоо жана редакциялоо боюнча тажрыйба жүргүзүү мүмкүнчүлүгүнө ээ болушту.
